بسم الله نبدأ
أكيد الأغلبية حاب انه يتعلم كيف يفرمت النظام ويثبت الوندوز بدال لا يوديه للمحلات ولا يطلب من المهندسين خدمه منازل ونقعد ننتظر بالساعات ؟؟ زين ليش ما نتعلم من نفسنا والعملية كلها مو صعبة وما تستغرق وقت ترى كل اللي يبيلكم طول بال وتركيز بسيط مع الخطوات اللي راح أشرحها لكم مع أدوات ضروريةللعملية :
الأدوات الواجب توفرها قبل البدء1 - سيدي
Windows Xp Bootable .
2 - سيديات التعاريف للجهاز .
3 - سيدي برامج منوعه أو تحملون من قسم البرامج ما تريدنه فالقسم غني بكل البرامج الظرورية .
4 - سيدي للأوفيس حسب حاجتكم .
والآن نرجع للنقطه الرئيسية وهي عملية الفورمات وتنصيب الوندوز ,,في بعض الأشخاص على بالهم انه عملية الفورمات راح تمسح كل ملفاتهم وهالشي غلط بمفهومهم الفورمات صحيح انه يمسح Drive C اللي عليه النظام بس الأغلبية عنده Drive D و E و F وتقدرون تستخدمونهم للتخزين لانه بعملية الفورمات ما راح نحتاج انه نفرمت كل الـ Drivers بس الـ C اللي مثبتين عليه النظام فلا تخافون أبدا وتتوترون من عملية الفورمات الظرورية للجهاز كل 3 أشهر على الأقل ,, أدري انه في ناس تمر عليها سنين وما تفرمت وهالشي غلط علمية الفورمات كل 3 أشهر عملية ظرورية لإعادة الحيوية للجهاز ,, واللي ما عنده غير الـ Driver C انصحه بنسخ ملفاته الظرورية على سيديات وإتباع الخطوات بالصور أدناه لأنشاء تقسيم للهارديسك فيكون عنده أكثر من مكان للتخزين ,, أول شي أبيكم تسوونه هو وضع سيدي الوندوز داخل الـ CD/ROM بعدين تسوون Restart اول ما يشتغل الجهاز وتظهر الشاشة السوداء راح تلاحظون تحت كلمة BOOt From CD هني ضغطو أي زر ليشتغل الـ BOOT من الـ CD هذا كله بالنسبة لأجهزة الـ Desktop أما بالنسبة للـ Laptop اول ما يشتغل الجهاز تحركون السهم لليمين وتختارون الصورة اللي عليها شكل سيديات وضغطو إنتر وتابعو كلكم هالصور معاي ..,,
[ندعوك للتسجيل في المنتدى أو التعريف بنفسك لمعاينة هذا الرابط]/
\
[ندعوك للتسجيل في المنتدى أو التعريف بنفسك لمعاينة هذا الرابط]والحين والحمدالله بعد الإنتهاء من الشرح وبعد ما ثبتوا الوندوز تقعدون تثبتون تعاريف الجهاز أولا ثم تثبيت البرامج الضرورية بالجهاز ,, واتمنى يكون الشرح كان واضح عليكم وأي نقطه
واتمني
انه الموضوع أعجبكم وأفادكم تحياتي لكم ,